Li rojhilatê Ukrayna şer giran dibe.
Di demekî ku navenda Xersonê tê armanckirin de, li bajar bi giştî elektirîk qut bûye.
Serokomarê Ukrayna Zelensky ji lîderên YE daxwaza alîkariya enerjiyê kir.
Serfermandariya welat jî got;
Despêka salê de wê Rûsya êrişî paytext Kîevê bike.
Nîşaneyên şerê li Ukrayna wisan xuya dike ku wê bi salan li ber çavan bimêne.
Wêraniya şer li welat bi xwere aniyî herî zêde li rojhilatê welat tê dîtin.
Hêzên Rûsya careke din bi moşekan êrişî Kryvyi Rih kirin.
Di encamê de 2 kes mirin û 5 jî birîndar bûn.
Krişên Rûsya Xerson bi tevahî di tarîtiyê de hişt
Li Xersona ku meha derbasbûyî Ukrayna ji bin kontrola Rûsya derxistî de, rewş giran e.
Rayedarên Ukraynayê diyar kirin ku ew di bin “bomberdûmaneke dijwar” de ne.
Ji ber êrîşên ku binesaziya li bendera bajêr kirine armanc, tevahiya bajar bê elektrîk maye.
Medya Ukraynayê ragihand ku di êrîşa li navendeke alîkariyên pizîşkî de 2 kes hatine kuştin.
Di bomberdûmanê de avahiya rêveberiya bajêr jî bû hedef û di avahiyê de xisareke madî çêbû.
Vekişîna artêşa Rûsyayê ji Xersonê yek ji mezintirîn binketina wê ya di şerê li Ukraynayê de hate şîrovekirin.
Rûsya di nava demên dawiyê de, navendên enerjiyê dike armanca êrişê.
Bi milyonan Ukrayniyên bi hatina zivistanê re di nava zehmetiyê de ne, nebûna elektirîkê bandoreke zêde li wan dikin.
Bajarê Xerkov yê li rojhilatê welat jî di bin êrişên dijwar de ye.
Zelensky: Pêwistî bi enerjiyê heye
Doh Serokomarê Ukrayna Volodymyr Zelensky bang li lîderên YE kir û daxwaza alîkariyê kir.
Zelensky anî ziman ku ji bo welatiyan pêwistî bi 800 mîlyon euro ya bi qasî 2 mîlyar metrekup (metre mukabe) heye.
Çarşemê jî Zelensky ragihandibû ku li derdora paytext Kîevê 13 dron hatibûn xistin.
Fermandariya Ukrayna: Despêka 2023 wê Rûsya êrişî kîevê bike
Hemwextî vê yekê Serokê Fermandariya Ukraynayê Valery Zaluzhny îdiayek balkêş anî ziman.
Zaluzhny di roportaja xwe ya bi rojnameya The Economist de ragihand ku despêka 2023’an wê Rûsya êrişî paytext Kîevê bike.
Ukrayna: Rûsya xwe ji bo oparasyoneke berfireh amade dike
Wezîrê Parastinê yê Ukraynayê Oleksîy Reznîkov di civîneke çapemeniyê de diyar kir ku nîşaneyên zêde hene ku Rûsya xwe ji bo operasyoneke bejayî ya nû û berfireh amade dike.
Reznikov destnîşan kir ku operasyon dikare di meha Sibatê de dest pê bike.
Wezîrê Ukraynî diyar kir ku 300 hezar leşkerên Rûsya di meha Cotmehê de girtine, perwerde dike û heta miha Sibatê wê jib o êrişeke bejahî ya mezin amade bin.
