Di nava xaka Rûsyayê de, armancên Ukrayna diyar kirî zêde dibe.
Artêşa Kîevê bi tevahî hêza xwe li derveyî sînro hewil dide Moskowê tengav bike.
Li hemberî êrişan, şaredarê Moskowê daxwaza xurtkirina parastina asmanî ya bajêr kir.
Êrîşên Ukraynayê yên li ser hedefên li axa Rûsyayê, ku paytext Moskow jî di nav de ye, zêde dibin.
Hat ragihandin ku îro danê sibê li dijî Moskowayê hewldaneke din a êrîşê hat kirin.
Şaredarê Moskowê Sergey Sobyanin ragihand ku sîstema parastina asmanî ya Rûsyayê balafireke bêmirov a ku nêzî bajêr dibû xistiye.
Sobyanin daxwaz kir ku parastina asmanî ya li derdora paytextê were berfirehkirin.
Li rojavayê welêt, li herêma Pskov a li nêzî sînorê Estonyayê, hat ragihandin ku pergalên parastina asmanî “tiştek nenas bêbandor kirine”.
Şaredarê Pskovê Mixail Vedernikov dîmenên dûmana ku ber bi asîmanê bilind dibe parve kir û ragihand ku di bûyerê de tu ziyan çênebûye.
Di destpêka vê hefteyê de li herêma Pskovê di êrîşa Ukraynayê de balafireke veguhestina leşkerî hatibû xistin.
Ukrayna daxwaza çek û cebilxaneyê ji Almanya û YE dike
Di çarçoveya pêngava dijber ya Ukraynayê de, windahiyên wê jî zêde dibin.
Wezîrê Karê Derve yê Ukraynayê Dmitro Kuleba ji Almanya û welatên din ên Yekîtiya Ewropayê xwest ku şandina çek û cebilxaneyan bo wî welatî zêde bikin.
Kuleba beşdarî Civîna Wezîrên Karên Derve yên YE yê ku doh li Toledo ya Spanyayê hat lidarxistin bû.
Kuleba diyar kir ku pêwîstî bi çekên giran, maşînên zirxî û tankan heye.
Wezîrê Ukraynayê daxwaza xwe ya ji bo moşekên Taurus ji Almanyayê dubare kir.
Serokomarê Ukrayna Volodymyr Zelensky di daxuyaniya xwe ya berê de gotibû, ji bo hêza asmanî ya bi bandor pêwîstiya wan bi 160 balafirên şer ên hilberîna rojavayî heye.
Zelensky diyar kir ku 50 heta 60 firokeyên F-16 yên Amerîkayê ji aliyê welatên cuda yên YE ve bo wî welatî hatine êrêkirin.
Berdevkê Hêza Asmanî ya Ukraynayê beriya niha gotibû ku pêwîstiya welêt bi 128 balafirên F-16 heye.
Guterres: Wê di demek kin de şerê li Ukrayna bidawî nebe
Sekreterê Giştî yê Neteweyên Yekbûyî Antonio Guterres doh gotibû ew nafikirin ku di demek kurt de li Ukrayna şatî pêk were.
Li ser pirsekî ku egeriya danûstandinên li ser mijarê di nîva Îlonê de li Konseya Ewlekariyê ya NY pêk were jî Guterres wiha got:
“Ez derewan dikim eger ez bibêjim asoyeke îhtîmala aştiya Ukraynayê dibînim. girîng dibe.”
