Neteweyên Yekbûyî (NY) têkîldarî rewşa xwezaya li cîhanê îro rapora xwe parve kir.
Li gorî raporê ji ber bahoza qûm û tozê her sal mîlyonek kîlometre çargoşe axa bi bereket a cîhanê ber bi çolbûnê ve diçe.
NY’yê diyar kir ku sedema vê yekê jî zêde bûna xebatên mirovan yên li dijî xwazayê û sotemeniyên fosîle.
Peymana Têkoşîna li Dijî Çolbûnê (UNCCD) ya Neteweyên Yekbûyî (NY) têkîldarî rewşa cîhanê îro rapora xwe parve kir.
Li gorî raporê her sal bi texmînî du milyar ton qûm û toz dikevin atmosferê û zirarê mezih digihîne herêmê.
Herêmên Asya û Afrîkayê, ji wan herêmane ku zirareke mezin dibîne,
Ev jî bandoreke nebaş li aboriya cîhanê dike.
Di raporê de hate diyar kirin ku bi zêdebûna çolbûna gerdûnî re asta metirsiya bahoza qûm û tozê jî zêde dibe.
Li gorî raporê ji ber bahoza qûm û tozê, li cîhan her sal 1 mîlyon kîlometre çargoşe erda bi bereket winda dibe.
Sedema sereke ya zêdebûna bahozên qûmê jî ji ber fealiyetên mirovan yên li dijî xwazayê pêk hatiye.
Lewma li hin deverên cîhanê qûmên çolan li gorî sedsala borî du qat zêde bûne.
Thiaw: Çolbûna cîhaê koçberiyê û metirsiyek ewlehiyê zêde dike
Rêveberê Giştî yê Peymana Têkoşîna li Dijî Çolbûnê (UNCCD) Îbrahîm Thiaw di nirxandina xwe ya derbarê encamên lêkolînê de got: “Bahoza qûmê ne tenê zirara aborî dide welatan, di heman demê de dibe sedema koçberiyê.
Her wiha metirsiyên ewlehiyê li ser jiyana zindiyan jî zêdetir dike.”
Li gorî pisporên Peymana Têkoşîna li Dijî Çolbûnê (UNCCD), ev rewş dikare bibe sedema encamên aboriya nebaş û pirsgirêkên tenduristiyê yên wekî nexweşiyên nefesê.
Ji ber ku herêmên ji bahoza qûmê bandor bûne, ax diherike û çandinî têk diçin.
Rêxistinê banga li tevahî cîhanê kir ku bikevin tevgerê û dawî li kiryarên li dijî xwazayê bînin.
Îbrahîm Thiaw diyar kir ku di têkoşîna li dijî çolbûnê de bi gelek pirsgirêkên aborî re rû bi rû ne.
Li gorî Thiaw ji bo destwerdanî vê metirsiyê were kirin, piştgirîya giştî ya darayî hewce dike.
Biryare ku îsal konferansa NY ya li ser guhertina avhewayê bi malûvaniya Îmaratên Ereb ên Yekbûyî li Dubayê were lidarxistin.
Thiaw di vê çarçoveyê de, diyar kir divê konferansê li ser kêmkirina belavkirina karbonê biryarên girîng bigire.
