Her sal 14 mîlyon ton plastîk tev li oqyanûsan dibe.
Ev yek xeteriya li ser jiyana mirova dike.
Ji bo çareseriyê bi pêşengiya NY li gelek welatan beşdaran li Kenyayê li hev civiyan.
Li gor encam û pêşniyarên beşdaran armanc tê kirin hilberîna plastîkan were sînordarkirin.
Bi pêşengiya Neteweyên Yekbûyî (NY), rêxistinên parastina hawîrdorê û nûnerên pişesaziyên plastîkê yên gelek welatan ji bo ji qirêjiya plastîkê re çareserî bibînin li hev civiyan.
Tûra sêyemîn a danûstandinan ku weke ‘INC3’ bi nav dikin, li paytexta Kenyayê li Nairobî hat lidarxistin.
Di vê danûstandinê de armanc ew e li cîhanê li ser qirêjiya plastîkê kontrol bê çêkirin.
Di danûstandinên hefteyekê dewam kir de, beşdaran 500 pêşniyaran pêşkeş kirin.
Her çi qas piraniya beşdaran pêşniyarên hatine kirin erênî binirxînin jî beşek ji wan ne di heman fikrê de ye.
Saziya Parastina Hawîrdorê Greenpeace anî ziman ku tenê bi pêşengiya Dewletên Yekbûyî yê Amerîka (DYA) û Yekîtiya Ewropayê (YE) dikare hevpeymaneke serketî pêk were.
Welatên Cîhanê ji bo rêgirtina qirêjiya plastîkê li çareseriyê digerin
Şefê delegasyona Greenpeace Graham Forbes diyar kir ku tûra sêyemîn negihiştiye armanca xwe.
Forbes pêşniyarên ji hêla beşdaran ve hatine kirin, berovajî pêşketinê, bi kaosê bi nav dike.
Li ser mijarê YE, Kanada, aktîvîstên parastina hawîrdorê û hin dewletan heman fikrê ne ku hilberîna plastîkan were sînordarkirin.
Her sal nêzî 400 mîlyon ton plastîk tên avêtin
Tê texmînkirin li cîhanê her sal nêzî 400 mîlyon ton plastîk tên avêtin.
Li gorî daneyên Bernameya Hawîrdorê ya Neteweyên Yekbûyî (UNEP) ji wan plastîkan tenê sedî 10 kêmtir tên veguherandin.
Yekîtiya Parastina Xwezayê ya Navnetewî jî piştrast dike ku her sal 14 mîlyon ton plastîk tev li oqyanûsan dibe.
Ji bo rewşa lihevkirina dawî ya mijara navborî wê salên pêş du turên din bên lidarxistin.
Bernameya Hawîrdorê ya NY armanc dike heta 2040’î qirêjiya plastîkê ji sêdî 80 kêm bike.
