Hevserokatiya Konseya Rêveber a KCK’ê êrîşa li ser Hêzên Parastinê yên Suryan ên li Rojava şermezar kir û got: “Dewleta Tirk û desthilatdariya faşîst a AKP-MHP’ê bi vê êrîşê careke din nîşan da ku bê çiqasî dijminê gelan e.
Em bang li hemû gelan dikin ku li hemberî vî dijminê xwînxwar yekîtî û hevgirtina xwe xurt bikin.”
Di 28’ê Sibatê de balafirên bêmirov ên dewleta Tirk a dagirker 4 erebe li ser rêya Dêrikê bombebaran kirin.
Di encamê de 3 endamên Hêzên Sotoro şehîd bûn û 8 welatî jî birîndar bûn.
Derbarê mijarê de Hevserokatiya Konseya Rêveber a KCK’ê daxuyaniyek da.
KCK: Vê êrîşê nîşan da ku bê çiqasî Tirkiyê dijminê gelan e
Hevserokatiya Konseya Rêveber a KCK’ê sê endamên Sotoro bi bîr anî û got:
“Em vê komkujiya hovane ya dewleta Tirk û hikûmeta faşîst a AKP-MHP’ê bi tundî şermezar dikin.
Dewleta Tirk û desthilatdariya faşîst a AKP-MHP’ê bi vê êrîşê careke din nîşan da ku bê çiqasî dijminê gelan e.
Bi van hestên faşîst, qirker û nijadperestî êrîşî şoreşa Rojava û gelên Bakur û Rojhilatê Sûriyeyê dike.
Em bang li hemû gelan dikin ku li hemberî vî dijminê xwînxwar yekîtî û hevgirtina xwe xurt bikin.”
KCK: APK-MHP’ê dixwaze bi van êrîşan hevgirtina gelan bişkîne
KCK’ê diyar kir ku dewleta Tirk a dagirker beriya niha li ser gelê Asûr-Suryan komkujiî pêk aniye û wiha domand:
“Gelê Asûr-Suryan piştî sedsaleke ji komkujî, êş û azaran, bi şoreşa Rojava re xwedî li îradeya xwe derdikeve û azadiya xwe bi dest dixe.
Lê dewletên ku bi Tirkiyê re têkiliyên wan ên berjewendiyên qirêj hene, bûne şîrîkê van sûcan.
Gelê Kurd bi gelên Rojhilata Navîn û Mezopotamyayê re di nava piştevaniyê de ye û bi gel re dixwaze azad bibe.
Niha jî desthilatdariya AKP-MHP’ê dixwaze bi van êrîşan hevgirtina gelan bişkîne.”
KCK: Divê gelê Asûr-Suryan yekîtiya xwe hîn xurtir bike
KCK’ê anî ziman ji ber ku di Roja Zimanê Dayikê ya Cîhanê de li Meclîsê bi zimanên din, bi Suryanî jî hat axaftin û ev ji hêla hikûmeta AKP-MHP’ê ve rastî hêrseke mezin hat û got:
“Em di wê baweriyê de ne ku gelê me yê Asûr-Suryan wê di çarçoveya fikra neteweya demokratîk a gelan de yekîtiya xwe hîn xurtir bike.
Em sersaxiyê ji gelê Asûr-Suryan re dixwazin û ji birîndaran re jî şifayê dixwazin.”