Partiyên Siyasî yên Bakur û Rojhilatê Sûrî diyar kirin ku daxuyaniyên dawî yên serokê rejîma Sûrî Beşar Esed nakevin berjwendiyên çareseriya aloziya Sûrî de û destekekê didin pirojeyên dagirkerên Sûriyê.
Partiyên Siyasî yên Bakur û Rojhilatê Sûrî li dijî daxuyaniyên dawî yên serokê rejîma Sûrî beşar El-Esed daxuyaniyeke hevpar ji raya giştî re dan.
Partiyan di daxuyaniya xwe de gotin:
Piştî 9 salan ji şer û qeyrana li Sûriyê, serokê rejîma Sûrî Beşar Esed heman ziman û zihnyeta xwe dûbare dike û xwe ji çareseriya siyasî ya aloziya Sûrî dûr dixe.
Partiyan tekez kirin ku hemû pêkhatiyên Bakur û Rojhilatê Sûrî li ser xaka xwe ya resen dijîn û beriya ku sînorên dewleta Sûrî bên destnîşankirin, ev gel li ser vê erdê bû.
Partiyan destnîşan kirin ku di demeke ku rejîmê pişta xwe da gelên herêmê û bi xetertirîn gef DAIŞ re rû bi rû hiştin, hemû pêkhatiyên Bakur û Rojhilatê Sûrî li dijî teror û hêzên dagirkerker bi hezaran şehîd oxir kirin û bi vê yekê dkarîbûn yekparbûna xaka Sûrî û rûmeta wê biparêzin.
Partiyan di dawiyê de bang li rejîmê kir ku dev ji vê zihniyeta xwe berde û li gorî rewşa heyî û destkeftiyên li ser erdê tevbiger û diyalogê bike.
Parityên ku daxuyanî dane ev in:
-Partiya Sûriya Pêşerojê
-Tevgera Guhertin a Demokratîk
-Partiya Yekîtiya Demokratîk
-Partiya Yekîtiya Suriyan
-Partiya Aştî ya Demokratîk a Kurdistanî
–Yekîtiya Lîbral a Kurdistanî
-Partiya Şiyûî ya Kurdistanî
-Partiya Demokratîk a Kurdistanî Partî-Sûriyê
–Partiya Demokratîk a Kurdî li Sûriyê
-Partiya Çep a Kurd li Sûriyê
-Partiya Çep a Demokratîk a Kurdî li Sûriyê
-Partiya Komeleya Niştîmanî ya Kurdistanî
-Partiya Guhertin a Demokratîk a Kurdistanî
-Partiya Nûjen a Kurdistanî
-Yekîtiya Kedkarên Kurdistanî
-Desteya Niştîmanî ya Erebî
-Partiya Nûjenî û Demokratiyê li Sûriyê
-Partiya Kesek a Kurdistanî
-Partiya Wîfaq a Demokratîk a Kurdî ya Sûrî
-Partiya Yekîtiya Demokratîk a Kurdî li Sûriyê-Yekîtî
-Tevgera Çaksaziyê- Sûriyê
-El-Partî
-Partiya Asûrî ya Demokratîk
-Partiya Biratî ya Kurdistanî
-Partiya Roj a Demokratîk a Kurdî li Sûriyê
-Yekîtiya Niştîmaniya Azad- Rojava
-Tevgera Civaka Demokratîk-DEV-DEM
-Kongreya Star
-Partiya Muhafizkaran a Demokratîk
-Partiya Têkoşîn a Demokratîk
-Partiya Komarparêz a Kurdistanî
